വിശ്വാസ വോട്ടെടുപ്പില്‍ നിന്ന് വിട്ടു നിന്ന ബി.എസ്.പി എം.എല്‍.എ എന്‍ മഹേഷിനെ പാര്‍ട്ടിയില്‍ നിന്ന് പുറത്താക്കി മായാവതി

കര്‍ണാടക നിയമസഭയില്‍ നടന്ന വിശ്വാസ വോട്ടെടുപ്പില്‍ നിന്ന് വിട്ടു നിന്ന ബി.എസ്.പി എം.എല്‍.എ എന്‍ മഹേഷിനെ പാര്‍ട്ടിയില്‍ നിന്ന് പുറത്താക്കി ബി.എസ്.പി അദ്ധ്യക്ഷ മായാവതി. വിശ്വാസ വോട്ടെടുപ്പില്‍ കോണ്‍ഗ്രസ്-ജനതാദള്‍ സര്‍ക്കാരിന് അനുകൂലമായി വോട്ട് ചെയ്യണമെന്ന് മായാവതി ആവശ്യപ്പെട്ടിരുന്നു. ബി.എസ്.പിക്ക് സംസ്ഥാനത്ത് ഏക എം.എല്‍.എ ആണുണ്ടായിരുന്നത്. ആ എം.എല്‍.എയെയാണ് ഇപ്പോള്‍ പുറത്താക്കിയിരിക്കുന്നത്.

പതിനാല് മാസം നീണ്ടുനിന്ന കോണ്‍ഗ്രസ്-ജെ.ഡി.എസ് സഖ്യസര്‍ക്കാരാണ് ഇന്നത്തെ വിശ്വാസവോട്ടെടുപ്പില്‍ താഴെവീണത്. കോണ്‍ഗ്രസ് ജെ.ഡി.എസ് സര്‍ക്കാരിന് 99 പേരുടെ പിന്തുണ മാത്രമാണ് ലഭിച്ചത്. 105 അംഗങ്ങള്‍ വിശ്വാസ പ്രമേയത്തെ എതിര്‍ത്തു.