റഫാല്‍: മോദിക്കെതിരെ ആരോപണം ഉന്നയിച്ചതിന് രാഹുല്‍ ഗാന്ധി രാജ്യത്തോട് മാപ്പ് പറയണമെന്ന് ബി.ജെ.പി

റാഫേല്‍ ഇടപാടുമായി ബന്ധപ്പെട്ട് പുറത്തുവന്ന സുപ്രീം കോടതി വിധിയുടെ പശ്ചാത്തലത്തില്‍ കോണ്‍ഗ്രസ് നേതാവും വയനാട് എം.പിയുമായ രാഹുല്‍ ഗാന്ധി രാജ്യത്തോട് മാപ്പ് പറയണമെന്ന് ബി.ജെ.പി. പ്രധാനമന്ത്രി നരേന്ദ്ര മോദിക്കെതിരായ ആരോപണം ഉന്നയിച്ചതിനാണ് രാഹുല്‍ ഗാന്ധി രാജ്യത്തോട് മാപ്പ് പറയേണ്ടതെന്നാണ് ബി.ജെ.പി പറയുന്നത്. രാഹുല്‍ ഗാന്ധി സുപ്രീം കോടതിയോട് മാത്രം മാപ്പ് പറഞ്ഞത് കൊണ്ടായില്ലെന്നും കേന്ദ്ര മന്ത്രി രവിശങ്കര്‍ പ്രസാദ് പറഞ്ഞു.

രാഹുല്‍ ഗാന്ധി പ്രധാനമന്ത്രിയെ കള്ളന്‍ എന്ന് വിളിക്കുക മാത്രമല്ല, ഫ്രാന്‍സിന്റെ മുന്‍ പ്രധാനമന്തിയുടെ പ്രസ്താവനയെ തെറ്റായി വ്യാഖ്യാനം ചെയ്യുകയും സുപ്രീം കോടതിയെ തെറ്റായി ഉദ്ധരിക്കുകയും ചെയ്തുവെന്നും രവിശങ്കര്‍ പ്രസാദ് ആരോപിച്ചു.