മാര്‍ച്ച്‌ 17 മുതല്‍ 30 വരെയുള്ള എസ്‌എസ്‌എല്‍സി പരീക്ഷയുടെ ടൈംടേബിള്‍ പുതുക്കി പ്രസിദ്ധീകരിച്ചു

 

തിരുവനന്തപുരം: മാര്‍ച്ച്‌ 17 മുതല്‍ 30 വരെയുള്ള എസ്‌എസ്‌എല്‍സി പരീക്ഷയുടെ ടൈംടേബിള്‍ പുതുക്കി പ്രസിദ്ധീകരിച്ചു. 22 മുതലുള്ള ദിവസങ്ങളിലെ പരീക്ഷകളിലാണു മാറ്റം. 24നു പരീക്ഷയില്ല. 26നു പരീക്ഷയുണ്ടാകും. മോഡല്‍ പരീക്ഷ മാര്‍ച്ച്‌ 1 മുതല്‍ 5 വരെ നടക്കും.

ഫിസിക്‌സ്, സോഷ്യല്‍ സയന്‍സ്, ഒന്നാം ഭാഷ പാര്‍ട്ട് 2 (മലയാളം / മറ്റു ഭാഷകള്‍), ബയോളജി എന്നീ വിഷയങ്ങളുടെ തീയതിയിലാണു മാറ്റം. 22നു നടത്താനിരുന്ന ഫിസിക്‌സ് പരീക്ഷ 25ലേക്കു മാറ്റി. പകരം 23നു നടത്താനിരുന്ന സോഷ്യല്‍ സയന്‍സ് പരീക്ഷ 22ലേക്കു മാറ്റി. 24നു നടത്താനിരുന്ന ഒന്നാം ഭാഷ പാര്‍ട്ട് 2 പരീക്ഷ (മലയാളം / മറ്റു ഭാഷകള്‍) 23ലേക്കു മാറ്റി.