മോദിക്ക് ശേഷം യോഗി, ബിജെപി ഭാവി പ്രധാനമന്ത്രി സ്ഥാനാര്‍ത്ഥിയായി യോഗിയെ അവതരിപ്പിക്കുവാന്‍ സാദ്ധ്യത ഏറുന്നു..!! അമിത് ഷാക്ക്..
മോദിക്ക് ശേഷം യോഗി, ബി ജെ പി അനുഭാവികളുടെ പ്രൊഫൈലുകളില്‍ ഇന്ത്യന്‍ പ്രധാനമന്ത്രിയായി യു പി മുഖ്യന്‍ ഭാവിയില്‍ വരുമെന്ന് കേള്‍ക്കാന്‍ തുടങ്ങിയിട്ട് നാളുകള്‍ ഏറെയായി.
ആളുകളുടെ മനസിലുള്ള ഇക്കാര്യം മോദി കഴിഞ്ഞാല്‍ പാര്‍ട്ടിയിലെ ശക്തനായ നേതാവായ അമിത്ഷായും തള്ളിക്കളയുന്നില്ല. യു പി തിരഞ്ഞെടുപ്പിനോട് അനുബന്ധിച്ച്‌ ഒരു ദേശീയ മാദ്ധ്യമത്തിന് നല്‍കിയ അഭിമുഖത്തിലാണ് അമിത് ഷാ ഇക്കാര്യം വെളിപ്പെടുത്തിയത്.
യോഗി ആദിത്യനാഥിനെ ഭാവി പ്രധാനമന്ത്രി സ്ഥാനാര്‍ത്ഥിയായി ആളുകള്‍ പരാമര്‍ശിക്കുന്നതിനെ കുറിച്ചുള്ള ചോദ്യത്തിന്, അത് തീര്‍ത്തും സ്വാഭാവികമാണെന്നായിരുന്നു അമിത് ഷായുടെ മറുപടി. ഇതിനുള്ള കാരണമായി അദ്ദേഹം ചൂണ്ടിക്കാട്ടുന്നത് യു പിയില്‍ യോഗി ചെയ്ത വികസനങ്ങളാണ്. തീര്‍ത്തും 'മാതൃക' ജീവിതം നയിക്കുന്നയാളാണ് യോഗി. 'സ്വാഭാവികമായും. ഇത്രയും വര്‍ഷങ്ങള്‍ക്ക് ശേഷം അദ്ദേഹത്തിന്റെ കീഴില്‍ ഒരുപാട് ജോലികള്‍ ചെയ്തു. യുപിക്ക് 30 മെഡിക്കല്‍ കോളേജുകള്‍ ലഭിച്ചു, സംസ്ഥാനത്ത് രണ്ട് എയിംസുകളുണ്ട്, ജാപ്പനീസ് എന്‍സെഫലൈറ്റിസ് ഗവേഷണ കേന്ദ്രവും നിര്‍മ്മിച്ചിട്ടുണ്ട്. ബി ജെ പി സര്‍ക്കാര്‍ 10 പുതിയ സര്‍വകലാശാലകള്‍ നിര്‍മ്മിച്ചു, 77 പുതിയ കോളേജുകള്‍ തുറന്നു. ഉത്തര്‍പ്രദേശിലുടനീളമുള്ള കോളേജുകള്‍ ഞങ്ങളുടെ സര്‍ക്കാര്‍ പുനര്‍നിര്‍മ്മിക്കുകയും പുനര്‍വികസിപ്പിച്ചെടുക്കുകയും ചെയ്തിട്ടുണ്ടെന്നും യോഗിയെ ഭാവി പ്രധാനമന്ത്രി സ്ഥാനാര്‍ത്ഥിയായി വിശേഷിപ്പിക്കുന്ന ചോദ്യത്തിന് അമിത് ഷാ മറുപടിയായി പറഞ്ഞു.
2024ല്‍ ഡല്‍ഹിയില്‍ അധികാരത്തില്‍ തുടരാന്‍ ഉത്തര്‍പ്രദേശില്‍ ബിജെപി അധികാരത്തിലിരിക്കേണ്ടത് വളരെ പ്രധാനമാണ്. ഉത്തര്‍പ്രദേശിന് ലോക്സഭയില്‍ 80 സീറ്റുകളുള്ളതിനാല്‍ ആര്‍ക്കെങ്കിലും കേന്ദ്രത്തില്‍ പൂര്‍ണ ഭൂരിപക്ഷത്തോടെ സര്‍ക്കാര്‍ രൂപീകരിക്കണമെങ്കില്‍ അത് ഉത്തര്‍ പ്രദേശില്ലാതെ കഴിയില്ലെന്നും അദ്ദേഹം പറഞ്ഞു.
No comments