ഇടതു മുന്നണിയിലേക്ക് പോകുമോ..?? നിലപാട് വ്യക്തമാക്കി പി.ജെ. ജോസഫ്..
ഇടതുമുന്നണിയിലേക്ക് പോകുന്ന പ്രശ്‌നം ഉദിക്കുന്നില്ലെന്ന് കേരള കോണ്‍ഗ്രസ് ചെയര്‍മാനും എം.എല്‍.എയുമായ പി.ജെ. ജോസഫ് തൊടുപുഴയില്‍ മാദ്ധ്യമങ്ങളോട് പറഞ്ഞു. ജോസഫിനെ ഇടതുമുന്നണിയിലെത്തിക്കാന്‍ ഒരു നീക്കവുമില്ലെന്ന് സി.പി.എം സംസ്ഥാന സെക്രട്ടറി കോടിയേരി ബാലകൃഷ്ണന്‍ കഴിഞ്ഞദിവസം ചാനല്‍ അഭിമുഖത്തില്‍ വ്യക്തമാക്കിയിരുന്നു. ഇതിനോട് പ്രതികരിക്കുകയായിരുന്നു പി.ജെ. ജോസഫ്.
മുന്നണി മാറേണ്ട സാഹചര്യം നിലവില്‍ കേരള കോണ്‍ഗ്രസിനില്ല. യു.ഡി.എഫില്‍ യാതൊരുവിധ അസ്വാരസ്യങ്ങളുമില്ല. യു.ഡി.എഫില്‍ സംതൃപ്തിയോടെയാണ് കേരള കോണ്‍ഗ്രസ് തുടരുന്നതെന്നും പി.ജെ. ജോസഫ് പറഞ്ഞു.
No comments