യാത്രയെ പരിഹസിച്ച് സിപിഎം ബിജെപി നേതാക്കള് രംഗത്ത്
യാത്രയെ പരിഹസിച്ച് സിപിഎം ബിജെപി നേതാക്കള് രംഗത്ത് എത്തിയിരുന്നു. 18 ദിവസം കേരളത്തില് പര്യടനം നടത്തുന്ന രാഹുല് യുപിയില് രണ്ട് ദിവസം മാത്രമാണ് യാത്ര നടത്തുന്നത്. ഇങ്ങിനെയാണോ ബിജെപിയെ നേരിടുന്നതെന്നായിരുന്നു സിപിഎമ്മിന്റെ ചോദ്യം. സിപിഎം ഔദ്യോഗിക ട്വിറ്റര് അക്കൗണ്ടില് രാഹുലിന്റെ കാരിക്കേച്ചര് അടക്കമുള്ള പോസ്റ്റര് പങ്കുവെച്ചായിരുന്നു പ്രതികരണം. ബിജെപിയോടും ആര്എസ്എസിനോടും പോരാടുന്നതിനുള്ള വിചിത്ര വഴിയാണ് ‘ഭാരത് ജോഡോ യാത്ര’യെന്നും സിപിഎം പരിഹസിച്ചു.
ഇതിനുള്ള മറുപടിയുമായാണ് എഐസിസി ജനറല് സെക്രട്ടറി കെസി വേണുഗോപാല് രംഗത്തെത്തിയത്. യാത്രക്ക് കിട്ടുന്ന സ്വീകരണത്തില് സിപിഎമ്മിനും ബിജെപിക്കും അസ്വസ്ഥതയാണ്.ആര്എസ്എസിനെതിരെ പോരാട്ടം തുടരും.കേരളത്തില് കൂടുതല് ദിവസം എന്ന സിപിഎം വിമര്ശനത്തിന് കേരളം ഇന്ത്യയില് അല്ലെയെന്ന് വേണുഗോപാല് ചോദിച്ചു. ബിജെപിയെ എതിര്ക്കാന് കോണ്ഗ്രസിനെ കഴിയൂ.സിപിഎം കേരളത്തിനു പുറത്തു എവിടെ ഉണ്ടെന്നും അദ്ദേഹം ചോദിച്ചു
No comments